A Confraría de Cambados foi fundada en 1911 e está situada no porto de Tragove, punto estratéxico da ría de Arousa. 

Cambados é un pobo mariñeiro e o mar é un piar básico da súa economía.

Co paso dos anos, a confraría tivo un papel fundamental na organización e regulación do marisqueo, unha das actividades económicas máis importantes da zona.

A confraría xoga un importante papel social, xa que dá emprego directo e indirecto a un número considerable de familias cambadesas.

Non só nos preocupa o presente, tamén miramos cara ao futuro. Traballamos man a man con institucións, entidades e asociacións para mellorar as nosas técnicas, facer máis sostible a nosa profesión e conseguir que as rías sigan sendo o piar da nosa vida.